श्री नितीन सुभाष चंदनशिवे
कवितेचा उत्सव
☆ “कविता…” ☆ श्री नितीन सुभाष चंदनशिवे ☆
☆
संस्काराचा दिवा लावणाऱ्या घरावर
मी लिहिली एक उजेडाची कविता
आयुष्याची जळून राख झाली यार
आणि धुरासारखी विझून गेली कविता
*
तो पतंग ढगाशी काय बोलतो आहे..?
मांज्यासारखी तुटून गेली कविता
वास्तवावर विस्तव ठेवून रडलो किती यार
स्मशानातल्या चितेवर जळून गेली कविता
*
ती माझीच होती याचा कुठे शोधू पुरावा?
माणूस शोधताना हरवून गेली कविता
आईच्या गर्भात मी अल्लडपणा केला रे यार
पण बापाच्या खांद्यावर बसून गेली कविता
*
कोण आले रे हे मारेकरी मानवतेचे..?
मग चवताळून जागी झाली कविता
प्रेम करणाऱ्या पाखरांना वाचवण्यासाठी यार
धावत धावत पुन्हा आली माझी कविता…
☆
कवी : नितीन चंदनशिवे. (दंगलकार)
© श्री नितीन सुभाष चंदनशिवे
संपर्क – मु. पोस्ट. कवठेमहांकाळ, जि. सांगली.
मो 7020909521
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
अशोक भांबुरे जी यांची कविता अभिव्यक्ती # ३०९ 
