मराठी साहित्य – कवितेचा उत्सव ☆ विजय साहित्य # 257 – कोसल्यात होता जीव…! ☆ कविराज विजय यशवंत सातपुते ☆

कविराज विजय यशवंत सातपुते

? कवितेचा उत्सव # 257 – विजय साहित्य ?

☆ कोसल्यात होता जीव…! ☆

☆

कोष रेशमी किड्याचा

त्याला कोसला हे नाव

निसर्गाची नवलाई

जन्मा येई नवे गाव…! १

* 

अंडी रेशमी किड्यांची

उबविता सुरूवात

तुतीच्याच पानावर

रेशमाची बरसात…! २

 *

होता कोसल्यात जीव

जन्मा आली प्रेम कळी 

कोष रेशमाचा  असे

अंशमात्र एक अळी…!३

 *

परकीय चलनाचा

कोसल्यात मूलमंत्र

रेशमाची लागवड

कोष संवर्धन तंत्र…!४

 *

रेशमाचे  महावस्त्र

तानेबाने जरतारी

होता कोसल्यात जीव

साकारली प्रतवारी…!५

 *

वीण घट्ट मजबूत

असे कोसल्याचा पाया

धागा धागा जोडूनीया

केली निसर्गाने माया…!६

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ दागिना… ☆ सुश्री अरुणा मुल्हेरकर☆

सुश्री अरुणा मुल्हेरकर

? कवितेचा उत्सव ?

☆ दागिना… ☆ सुश्री अरुणा मुल्हेरकर ☆

☆

  लक्ष्मीहार, मोहनमाळ

 गळा वैजयंतीमाला

 कर्णभूषणे, नथीचा आकडा

 विलसतसे ही बाला….. १

  *

 कटीस मेखला, कुंतली पुष्पे

 नुपुरे रुणुझुणुती

 गोठ, पाटल्या करात कंगन

कानी किणकिणती…. २

 *

 मोतीयाचे झुंबर कानी

 तसाच रत्नहार

 मजसी वाटे अशाश्वत हा

 सकल साजशृंगार….. ३

 *

 माय पित्याने आहेर मजसी

 संस्कारांचा दिला

 दया, माया, प्रेमाचा मज

 दागिना शाश्वत अर्पिला….. ४

* 

 मानवतेचा कंठमणी

 घालुनी मी मिरवते

 अमूल्य माझा असा दागिना

 अभिमानाने जपते….. ५

*

अवर्णनीय आनंद त्याचा

 नच कसली तुलना

 तेज लकाके वदनावरती

 पूर्ण मनोकामना,….. 6

☆

© सुश्री अरुणा मुल्हेरकर 

डेट्राॅईट (मिशिगन) यू.एस्.ए.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “मोकळे आकाश…“☆ सौ. वृंदा गंभीर ☆

सौ. वृंदा गंभीर

? कवितेचा उत्सव ?

☆ मोकळे आकाश… ☆ सौ. वृंदा गंभीर ☆

☆

व्हावे आज मज आकाश मोकळे

एका उनाड दिवसाचे एकांत सोहळे

 *

केली चाळीशी पार आता फिरावे

सारे कर्तव्य पार पडले का झुरावे

 *

मनातील मुक्त व्यंजनांना आडवावे

भावनांनाएकदा मोकळे ओसंडून द्यावे

 *

क्षितिज दोन्ही हाताने कवेत घ्यावे

पंखांनी भरारी घेऊन नभी उडावे

 *

पतीच्या साथीने प्रेमाच्या झुल्यात झुलावे

द्यावे सगळे बंधन सोडून बिनधास्त व्हावे

 *

नको वयाचा विचार पुन्हा तरुण व्हावे

विसीतील होऊन मन मोकळे जगावे

 *

मोगऱ्याच्या सुगंधापरी दरवळून जावे

हसत हसत एक दिन स्मशान मोकळे व्हावे

☆

© सौ. वृंदा पंकज गंभीर (दत्तकन्या)

न-हे, पुणे. – मो न. 8799843148

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ | पंढरीची वारी | ☆ सौ. शुभदा भा. कुलकर्णी (विभावरी) ☆

सौ. शुभदा भास्कर कुलकर्णी (विभावरी)

? कवितेचा उत्सव ?

☆ | पंढरीची वारी | ☆ सौ. शुभदा भा. कुलकर्णी (विभावरी) ☆

☆

पाऊले चालती माऊलीसांगाती

पंढरीच्या वाटे आनंद किती

 *

विठ्ठल विठ्ठल मुखे घेती नाम

तोची एक असे सुखाचिये धाम

 *

विठ्ठल विठ्ठल करिती गजर

विसरला सारा संसाराचा भार

 *

सांभाळ माऊली तुची सर्व पाही

देई मज आता सुखाची साऊली

 *

शिणली पाऊले परि वाट चाले

कळस दर्शन घडावे म्हणून

 *

हात जोडोनिया मिटताच डोळे

पांडुरंग उभा रखुमाई सवे

 *

भेटतसे हरी मनी जीवेभावे

अंधार सरला प्रकाश जाहला

 *

हरि पांडुरंगा तारुन नेई बा

संसार सागरी घडावी ही वारी

 *

दर्शनाची आंस मज लागतसे

आणिक मागणे नाही दुजे काही

 *

फिरतो माघारी आनंदे संसारी

मनं तुझ्या पायी जरि वाहिलेले

💦🌨️

©  शुभदा भा.कुलकर्णी (विभावरी)

कोथरूड-पुणे.३८.

   मो.९५९५५५७९०८ 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सुजित साहित्य – आठवणी ☆ – श्री सुजित कदम ☆

श्री सुजित कदम

? कवितेचा उत्सव ?

☆ साप्ताहिक स्तंभ – सुजित साहित्य  – आठवणी ☆ 

दर वर्षी ,

खूप काही वाहून जातं

ह्या पावसात…

माणसं..,

घरं…,

संसार…,…

आणखी बरंच काही…!

पण.. . ,

आठवणी मात्र

वाहून जात नाहीत..

त्या तशाच राहतात,

मनाच्या खोल तळाशी

जिथे पाऊस कधी

पोहचूच शकत नाही…..!

 

©  श्री सुजित कदम

मो.7276282626

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ निरोप…☆ श्री संदीप रामचंद्र सुंकले ‘दास चैतन्य’ ☆

श्री संदीप रामचंद्र सुंकले ‘दास चैतन्य’

? कवितेचा उत्सव ?

☆ निरोप… ☆ श्री संदीप रामचंद्र सुंकले ‘दास चैतन्य’☆

☆

नऊ मास उदरी वाहूनी

सांभाळले मजला मातेने

उपकार अनंत असती मजवर

निरोप घेतो कृतज्ञतेने।।

*

अनंत जन्म असतील घेतले

किती माता अन पुत्र किती

गणना त्यांची कशी करू मी

निरोप घेतो कृतज्ञतेने।।

*

गुरुजनांनी शिक्षण दिधले

मायपित्याने ‘शहाणे’ केले

अनपेक्षित अलौकिक मज लाभले

निरोप घेतो कृतज्ञतेने।।

*

सगेसोयरे आप्तस्वकीय

अकृत्रिम स्नेहे करती माया

जनव्यवहार शिकविला मजला

निरोप घेतो कृतज्ञतेने।।

*

निरोप तुझा कसा मी घेऊ

जिथून आलो तेथेच जाणे

हेच ज्ञान मजला लाभावे सत्वर

निरोप घेतो कृतज्ञतेने।।

☆

© श्री संदीप रामचंद्र सुंकले ‘दास चैतन्य’

थळ, अलिबाग

मो. – ८३८००१९६७६

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “गुरुदक्षिणा…” ☆ सुश्री मंजुषा सुनीत मुळे ☆

सुश्री मंजुषा सुनीत मुळे

? कवितेचा उत्सव ?

☆ “गुरुदक्षिणा…” ☆  सुश्री मंजुषा सुनीत मुळे  ☆

☆

हे काव्यपुष्प मी वाहते … गुरुदक्षिणा अत्यल्पशी

दक्षिणा ही निकस जरी … विद्या ही नित बावनकशी ।।

*

हा ज्ञान-स्वर्गच दाविशी … नित तो आम्हा तू भूवरी

परि दार आमचे तोकडे … घर जरी असे गंगेतीरी ।।

*

भाग्य आमचे थोर म्हणुनी … गुरु मिळाला तुजपरी

भरभरून करिशी दान तू … घ्यावे किती आम्ही करी ।।

*

कलियुगी या दाटले … ते द्रोण गुरु सगळीकडे

दक्षिणेला मान आधी … ज्ञानदान तिथेच अडे ।।

*

काही परी तुजसम गुरु … देणेच ज्यांना माहिती

तो एकलव्यही हळहळे … हे भाग्य नाही त्याप्रती ।।

*

सद्भागी आम्ही की करंटे … प्रश्न हा मजला पडे

तू गुरु आम्हा हे भाग्य … आम्ही शिष्य म्हणुनी तोकडे ।।

*

तव कीर्ती उज्ज्वल गुरुपदी … निशिदिनीच आहे वाढती

आतूर ज्ञानासाठी होऊ … शपथ आज ही तुजप्रती ।।

☆

©  सुश्री मंजुषा सुनीत मुळे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ ॐ सदगुरु माऊली… ☆ श्री अनिल वामोरकर ☆

श्री अनिल वामोरकर

? कवितेचा उत्सव ?

☆ ॐ सदगुरु माऊली… ☆ श्री अनिल वामोरकर ☆

☆

सन्मार्ग दाविते

नीत ते प्रभूचे

बीजही पेरते

दिव्य अशा विचारांचे.

*

शाश्वत सुख

साधका मिळावे,

हेचि जीवनकार्य

ऐसे ती मानते…

*

बोध देती सत्याची

सर्व साधकास

होतील उन्नत

ही आस तियेस…

*

किलकिले होतील

किमान‌ कवाडे काहींचे

यत्न अविरत करीते

प्रवेशिती कवडसे प्रकाशाचे…

*

तूझ्या ग्रंथातील अनमोल शब्द,

मौनातील गूढ ते संवाद,

तूझे अस्तित्व जाणवे

सर्व साधकास उद्धरण्या….

☆

© श्री अनिल वामोरकर

अमरावती

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

हिन्दी साहित्य – साप्ताहिक स्तम्भ ☆ तन्मय साहित्य #285 – कविता – ☆ कल क्या होगा…? ☆ श्री सुरेश कुशवाहा ‘तन्मय’ ☆

श्री सुरेश कुशवाहा ‘तन्मय’

(सुप्रसिद्ध वरिष्ठ साहित्यकार श्री सुरेश कुशवाहा ‘तन्मय’ जी द्वारा गीत-नवगीत, बाल कविता, दोहे, हाइकु, लघुकथा आदि विधाओं में सतत लेखन। प्रकाशित कृतियाँ – एक लोकभाषा निमाड़ी काव्य संग्रह 3 हिंदी गीत संग्रह, 2 बाल कविता संग्रह, 1 लघुकथा संग्रह, 1 कारगिल शहीद राजेन्द्र यादव पर खंडकाव्य, तथा 1 दोहा संग्रह सहित 9 साहित्यिक पुस्तकें प्रकाशित। प्रकाशनार्थ पांडुलिपि – गीत व हाइकु संग्रह। विभिन्न साझा संग्रहों सहित पत्र पत्रिकाओं में रचना तथा आकाशवाणी / दूरदर्शन भोपाल से हिंदी एवं लोकभाषा निमाड़ी में प्रकाशन-प्रसारण, संवेदना (पथिकृत मानव सेवा संघ की पत्रिका का संपादन), साहित्य संपादक- रंग संस्कृति त्रैमासिक, भोपाल, 3 वर्ष पूर्व तक साहित्य संपादक- रुचिर संस्कार मासिक, जबलपुर, विशेष—  सन 2017 से महाराष्ट्र शासन के शैक्षणिक पाठ्यक्रम कक्षा 9th की  “हिंदी लोक भारती” पाठ्यपुस्तक में एक लघुकथा ” रात का चौकीदार” सम्मिलित। सम्मान : विद्या वाचस्पति सम्मान, कादम्बिनी सम्मान, कादम्बरी सम्मान, निमाड़ी लोक साहित्य सम्मान एवं लघुकथा यश अर्चन, दोहा रत्न अलंकरण, प्रज्ञा रत्न सम्मान, पद्य कृति पवैया सम्मान, साहित्य भूषण सहित अर्ध शताधिक सम्मान। संप्रति : भारत हैवी इलेक्ट्रिकल्स प्रतिष्ठान भोपाल के नगर प्रशासन विभाग से जनवरी 2010 में सेवा निवृत्ति। आज प्रस्तुत है आपकी एक विचारणीय कविता “कल क्या होगा…?” ।)

☆ तन्मय साहित्य  #285 ☆

☆ कल क्या होगा…? ☆ श्री सुरेश कुशवाहा ‘तन्मय’ ☆

☆

जीवन यह अनमोल, व्यर्थ नहीं इसे गँवाएँ

सजग चित्त परहित की, खुशियों में सुख पाएँ।

*

कल क्या होगा, यह किसने जीवन में जाना

किए कृत्य निश्चित ही, उसके फल तो पाना

लाख उपाय छिपाने के, पर छिप न सकेंगे,

होगा सजीव चित्रपट, आखिर में पछताना,

क्यों न आज, सौजन्य भाव की पौध लगाएँ

सजग चित्त परहित की, खुशियों में सुख पाएँ।

*

एक-एक कर जीवन के, सब चित्र खुलेंगे

खुशी कभी दुख आकर, हमसे गले मिलेंगे

कहीं कंटकाकीर्ण दृश्य, सम्मुख होंगे तो

कहीं सुकृत्यों के, सुरभित नव पुष्प खिलेंगे,

सुखद चित्र हो, ऐसा कुछ प्रारब्ध बनाएँ

सजग चित्त परहित की, खुशियों में सुख पाएँ।

*

स्वप्न अधूरे ही रह जाते हैं, सब मन के

लक्ष्य कहाँ पूरे हो पाते हैं, जीवन के

रहे भटकते सुख पाने को, बाहर-बाहर

रहे अपरिचित खुद से, खुद के अवलोकन से,

करती रही भ्रमित, मायावी मृगतृष्णाएँ

सजग चित्त परहित की, खुशियों में सुख पाएँ।

*

बीत गया है समय, चलो उसको बिसराएँ

वर्तमान जो शेष, सजग उसको सुलझाएँ

यश-कीर्ति सम्मान, प्रतिष्ठा सम्मोहन में,

निरंकुशी मन पर, संयम की रास लगाएँ,

मन में शुचिता के, शुभ-मंगल भाव जगाएँ

सजग चित्त परहित की, खुशियों में सुख पाएँ।

☆ ☆ ☆ ☆ ☆

© सुरेश कुशवाहा ‘तन्मय’

जबलपुर/भोपाल, मध्यप्रदेश, अलीगढ उत्तरप्रदेश  

मो. 9893266014

≈संपादक – श्री हेमन्त बावनकर/सम्पादक (हिन्दी) – श्री विवेक रंजन श्रीवास्तव ‘विनम्र’ ≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 276 ☆ वारी… ☆ सुश्री प्रभा सोनवणे ☆

सुश्री प्रभा सोनवणे

? कवितेच्या प्रदेशात # 276 ?

☆ वारी… ☆ सुश्री प्रभा सोनवणे ☆

☆

पंढरीच्या वाटे॥निघे वारकरी

भक्ती त्याची खरी ॥ पांडुरंगा॥

*

पाऊले थकली ॥ जड झाला जीव

 दैना ही थांबव ॥ देवा त्याची॥

*

“तुझ्या दारी आलो” ॥ म्हणे वारकरी

भिस्त त्याची सारी ॥ तुझ्यावरी ॥

*

जरी दुःखी कष्टी ॥ गरीब बिचारा

घाली येरझारा ॥ पंढरीला ॥

*

भोळा शेतकरी ॥ असे वारकरी

करतो चाकरी ॥ जमीनीची ॥

*

शेतमळा त्याचा ॥ राखी विठूराया

कर तू किमया ॥ वावरात ॥

*

याच साठी वारी ॥ कर त्याची मान्य

शेतातले धान्य ॥ टिको आता ॥

*

अवेळी पाऊस ॥ करी दाणादाण

जीणे हे भयाण ॥ विठ्ठला रे  ॥

☆

© प्रभा सोनवणे

संपर्क – “सोनवणे हाऊस”, ३४८ सोमवार

पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- sonawane.prabha@gmail.com

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares