मराठी साहित्य – चित्रकाव्य ☆ || डू नॉट डिस्टर्ब… || ☆ श्री आशिष बिवलकर ☆

By Hemant BawankarNo Comments

श्री आशिष  बिवलकर

?️?  चित्रकाव्य  ?️?

? || डू नॉट डिस्टर्ब… || ? श्री आशिष  बिवलकर ☆

☆

चालून चालून | वाघोबा दमला |

झोपेत रमला | शांत आज ||१||

*
डू नॉट डिस्टर्ब | दिली आहे तंबी |

एक किमी लंबी | केली चाल ||२||

*

लबाड लांडगे | सगे सोबतीला |

कुटुंब कबीला | बछड्यांचा ||३||

*
वृद्ध हत्ती आला | डोलत डोलत |

अस्पष्ट बोलत | ‘फ’ची भाषा ||४||

*
वाघासंगे होते | कोल्हे कुत्रे ससे |

भोंगा नाही दिसे | नेहमीचा ||५||

*
बासनात गेला | भोंग्याचा गोंगाट |

नका लावू वाट | सर्कशीची ||६||

*
सुखी शांत निद्रा | वाघोबाचा थाट |

पहा आता वाट | उठायाची ||७||

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ खुशाली… ☆ प्रा तुकाराम दादा पाटील ☆

By Hemant Bawankar1 Comment

श्री तुकाराम दादा पाटील

? कवितेचा उत्सव ?

☆ खुशाली… ☆ प्रा तुकाराम दादा पाटील ☆

☆

काळोख झेलताना चिंता समोर आली

अंधार हटविणा-या विझल्या कशा मशाली

*

जेव्हाकधी मनाची खुलते प्रभात तेव्हा

दिसते विखूरलेली दाही दिशात लाली

*

गावून गीत साधे संधी निघून जाते

आशा गळून तेव्हा पडते वरून खाली

*

आधार मागताना त्या सावलीस थोडा

येण्यास सोबतीला ती मागते दलाली

*

माणूस आज नाही माणूस राहिलेला

बदलून रुप साधे झालाय तो मवाली

*

प्रत्येक शब्द हळवा बदनाम होत गेला

फसवून भावनेला हसतो हळूच गाली

*

संदेश सांगणारी घटना घडून जाते

म्हणते वळून मागे सरली तुझी खुशाली

☆

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ अखेरची भेट ! ☆ श्री विश्वास दाते ☆

By Hemant BawankarNo Comments

श्री विश्वास दाते

? कवितेचा उत्सव ?

☆ अखेरची भेट ! ☆ श्री विश्वास दाते ☆

☆

“असाध्य रोगामुळे येणाऱ्या अटळ मृत्यूमुळे आपल्या प्रियेपासून कायमचा दूर होणाऱ्या प्रियकराची त्याच्या प्रियेशी अखेरची भेट ”

*

अखेरची ही भेट आपुली सरती दिन राती I

*

आठवती मज आजवरीच्या सार्त नेत्रपल्लवी

राग तो अनुराग तो, अवीट ती गोडवी

फिरो काळ हा पुन्हा मागुती, रम्य नदी काठी l

*

येता अधिरी वसंतसेना, अधरी होशी लैला माझी

झालो होतो मीही तेंव्हा चारू मजनू स्वप्नांमाजी

क्षणोक्षणीचे विभ्रम तव ते अजून ताजे माझ्यासाठी I

 *

अन्गांगातून तव दिसे मज मस्तानीची प्रतिमा ताजी

लगबग लगबग तू जाताना, होतसे ग दैना माझी

निरर्थ वाटे वियोग तेंव्हा, जग ते होते प्रेमासाठी I

*

रोहिणी तू चंद्र होतो या निळ्या तारांगणी

ग्रासिली डागांनी परंतु मधुर स्वप्ने मन्मनी

पुनर्जन्म जर येई मजसी, होईन गे सांगाती I

*

राहती जरी आज हाती शुष्क स्मृतींची ही फुले

गंध त्यांचा फिकट येता हळवे मन अजुनी फुले

विसरून जा तू, जातो मीही, मरते ना प्रीति l

 ☆

© श्री विश्वास दाते 

संपर्क –  चिन्मय अपार्टमेंट, 54, मयूर कॉलनी, कोथरूड, पुणे 411038 मो +९१ ९८५००३५३६२, vishwasdatye@gmail.com

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ संदेश कवितेचा… + संपादकीय निवेदन – सौ. दीप्ती कुलकर्णी – अभिनंदन ☆ सम्पादक मंडळ ई-अभिव्यक्ति (मराठी) ☆

By Hemant BawankarNo Comments

सूचना/Information 

(साहित्यिक एवं सांस्कृतिक समाचार)

सौ. दीप्ती कुलकर्णी

💐 अ भि नं द न 💐

आपल्या समुहातील ज्येष्ठ साहित्यिका श्रीमती दीप्ती कुलकर्णी यांनी साहित्य क्षेत्रात तिहेरी यश संपादन केले आहे.

तितिक्षा इंटरनॅशनल, पुणे या संस्थेचा उत्कृष्ट ग्रंथ पुरस्कार त्यांच्या ‘खोल डोहाच्या तळ्यातून’ या काव्य संग्रहास प्राप्त झाला आहे.

तसेच तितिक्षा आयोजित नवरात्री विशेष काव्य लेखन स्पर्धेत त्यांच्या ‘ कुष्माडा ‘ या कवितेस द्वितीय पुरस्कार मिळाला आहे. तर तितिक्षा च्या काव्य पूर्तता स्पर्धेतही ‘ संदेश कवितेचा ‘ या कवितेस द्वितीय क्रमांक मिळाला आहे.

दीप्ती कुलकर्णी यांच्या या यशाबद्दल ई अभिव्यक्ती मराठी परिवारातर्फे त्यांचे मन: पूर्वक अभिनंदन आणि पुढील लेखनासाठी शुभेच्छा 💐💐

पुरस्कार प्राप्त कविता ‘संदेश कवितेचा‘ आज प्रकाशित होत आहे. 🪻 

संपादक मंडळ

ई अभिव्यक्ती मराठी

☆ ☆ ☆ ☆ ☆

? कवितेचा उत्सव ?

☆ “संदेश कवितेचा” ☆ सौ.ज्योत्स्ना तानवडे ☆

☆

मानवतेचा पथ सजवाया

होवुनिया रांगोळी

माझ्यानंतर शिल्लक मागे,

या कवितेच्या ओळी ||धृ||

 *

कवितेची किमया न्यारी,

पवित्रता सदा आगळी

सहिष्णुतेचा मार्ग दाखवी,

एकात्मकता सगळी ||१||

 *

शुभसंदेशा पेरत जाई,

सकलां साद जवळी

वेधकतेने मानवतेला, नित्य

दाखवी करांगुळी ||२||

 *

रंगसंगती मनाजोगती,

दिसते सर्वची वेळी

प्रतिका दाखवी, शुभचिन्हे

ती प्रेरकता वेळोवेळी| ||३||

 *

भाव मनीचे, तेच उमटवी,

आकर्षकता पाळी,

सुंदर कवने सदा खुलविती,

तेजोमयता भाळी ||४||

 *

अर्थ जागवी, मना तोषवी,

सकाळी कधी सायंकाळी

कविता ही तर सदा शोभते,

सजते नाना पळी ||५||

 *

मुक्तहस्ते कलात्मकता

शुचिर्भूतता ती वेगळी,

निमंत्रिते ती, मना जनांच्या,

हृदया स्पर्शी मोकळी ||६||

 *

मानवतेचा मंत्र खरा जो,

संदेशात्मक या ओळी

भावोत्कटता जपते सारी,

कविता रूपी ओळी ||७||

☆

ता. क. :- पाचव्या कडव्यात – सजते नाना पळी, या ओळीत “पळी” म्हणजे ‘ घटका-पळे’ – यातील पळाला हा वेळवाचक शब्द आहे. संध्येची पळी नाही.

© सौ. दीप्ती कुलकर्णी

भ्र. ९५५२४४८४६१

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

सूचना/Information ☆ संपादकीय निवेदन ☆  कविता – घटस्थापना – सौ.उज्वला सुहास सहस्त्रबुद्धे – अभिनंदन ☆ सम्पादक मंडळ ई-अभिव्यक्ति (मराठी) ☆

By Hemant BawankarNo Comments

‘सूचना/Information 

(साहित्यिक एवं सांस्कृतिक समाचार)

सौ.उज्वला सुहास सहस्त्रबुद्धे

💐 संपादकीय निवेदन 💐

💐 ✒️ अभिनंदन! अभिनंदन! अभिनंदन! ✒️ 💐

तितिक्षा इंटरनॅशनल, पुणे या संस्थेने नवरात्री निमित्त ‘रोज एका देवीवर काव्य‘ अशी काव्य स्पर्धा आयोजित केली होती. या स्पर्धेत आपल्या समुहातील ज्येष्ठ साहित्यिका श्रीमती उज्ज्वला सहस्रबुद्धे यांना तीन पुरस्कार प्राप्त झाले आहेत. याशिवाय संपूर्ण नवरात्रीत काव्य लेखन केल्याबद्दल विशेष सरस्वती मोमेंटो ही प्रदान करण्यात आला आहे. त्यांच्या या वैशिष्ट्यपूर्ण यशाबद्दल ई-अभिव्यक्ती परिवारातर्फे त्यांचे मन:पूर्वक अभिनंदन आणि पुढील लेखनासाठी शुभेच्छा! 💐

☘️. ☘️. ☘️. ☘️. ☘️

– आजच्या अंकात वाचूया त्यांचे एक पुरस्कारप्राप्त कविता – “घटस्थापना…”

– संपादक मंडळ

ई – अभिव्यक्ती, मराठी विभाग

☆ ☆ ☆ ☆ ☆

? कवितेचा उत्सव ?

☆ घटस्थापना… ☆ सौ.उज्वला सुहास सहस्त्रबुद्धे ☆

(पंचाक्षरी रचना)

*

अश्विन मास,

आरंभ झाला l

घटस्थापना,

दिवस आला ll1ll

*

घटात करू,

धान्याचा पेरा l

सृष्टी सृजन,

निर्मिती फेरा ll2ll

*

नऊ दिवस,

आनंद देई l

देवी चे गाणे,

ललना गाई ll 3ll

*

प्रत्येक दिस,

असे नवीन l

नारीशक्तीचा,

करू सन्मान ll4ll

*

स्त्रियांसाठी तो,

देवीचा सणl

आनंदे भरे,

सारे रांजण ll5ll

*

धनधान्याची,

भरली रास l

सुखे लुटु या,

आनंद खास ll6ll

*

सुगी धान्याची,

शेतात असे l

गृहलक्ष्मी ती,

प्रसन्न दिसे ll7ll

☆

© सौ. उज्वला सुहास सहस्रबुद्धे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ घडयाळ… ☆ सुश्री वर्षा बालगोपाल ☆

By Hemant BawankarNo Comments

सुश्री वर्षा बालगोपाल

?️?  चित्रकाव्य  ?️?

? घडयाळ… ?  सुश्री वर्षा बालगोपाल ☆

☆

प्रत्येक घरात एक तरी असते हो घड्याळ 

थांबत नाही धावत राही रोज तिन्ही त्रिकाळ||

*

काय उद्देश असतो हो, फक्त दाखवायची वेळ?

मला तर वाटते प्रतीक हे तीन पिढ्यांचा मेळ

तीन काटे धावती सदा, सांगती वेळ तू पाळ

थांबत नाही धावत राही रोज तिन्ही त्रिकाळ||

*

प्रत्येकाची गती वेगळी एकक वेगळे आकारही वेगळे

३६० अंश फिरती पकडण्या एकमेकां टपले

संकटांचे १२ वाजवण्या वेगळे राहणे टाळ

थांबत नाही धावत राही रोज तिन्ही त्रिकाळ||

*

घड्याळाची तबकडी म्हणजे आपले घर

तीन काटे तीन पिढ्या असती त्यात हजर

असल्या तऱ्हा वेगळ्या तरी एकोप्याच्या टिकटिकीचे चाळ

थांबत नाही धावत राही रोज तिन्ही त्रिकाळ||

☆

© सुश्री वर्षा बालगोपाल

मो 9923400506

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ आई… ☆ श्री अनिल वामोरकर ☆

By Hemant BawankarNo Comments

श्री अनिल वामोरकर

 

?️?  चित्रकाव्य  ?️?

? आई… ☆ श्री अनिल वामोरकर ☆

☆

भूक लागता

पान्हा देई आई

वात्सल्याची मूर्ती 

जगात दुसरी नाही…

पिल्लांच्या आवाजाने 

धावत माऊली येई

प्रेमाने स्पर्षी पिलांना

कुशीत विसावा देई..

 

शब्दावाचून कळे

पिल्लांच्या मनीचे

छेडीता कुणी तया

संरक्षी पुर्ण सामर्थ्याने…

 

आई आईच असते

माझी तुमची सेम असते

शब्द नसले तरी

भावना मातृत्वाची असते…

☆

© श्री अनिल वामोरकर

अमरावती

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # २९५ ☆ तुझ्या साठीच… ☆ सुश्री प्रभा सोनवणे ☆

By Hemant BawankarNo Comments

सुश्री प्रभा सोनवणे

? कवितेच्या प्रदेशात # २९५ ?

☆ तुझ्या साठीच… ☆ सुश्री प्रभा सोनवणे ☆

☆

ही माझी अखेरची कविता…

असेल कदाचित,

मन उगाचच हळवं होतं,

आत्मपरीक्षण करत—

आठवत राहतंय,

भूतकाळ!

खूप रडू कोसळतंय,

स्वतःतून उगवल्या असंख्य कविता,

अगदी प्रामाणिक होत्या त्या,

तुला कळल्याच नाहीत,

तू ,

आयुष्याचा अध्याय !

तुझ्याशिवाय—

अस्तित्वहीन मी,

हे मला तरी कुठं समजलं ?

आधे आधुरेच आहोत आपण,

एकमेकांशिवाय,

हे समजण्यात,

केवढा मोठा कालखंड पार केला…

आज हा फोटो पाहिल्यावर,

जाणवलं,

परतीच्या वाटेवर,

आपण दोघेही आहोत….

आणि ही माझी अखेरची कविता —

तुला न कळणारी….

माझ्या सारखीच!!!

☆

© प्रभा सोनवणे

संपर्क – “सोनवणे हाऊस”, ३४८ सोमवार

पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- sonawane.prabha@gmail.com

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “मन्मनीच्या गंधकोषा…” ☆ सौ राधिका भांडारकर ☆

By Hemant BawankarNo Comments

सौ राधिका भांडारकर

? कवितेचा उत्सव ?

☆ “मन्मनीच्या गंधकोषा...” ☆ सौ राधिका भांडारकर ☆

☆

 मन्मनीच्या गंधकोषा एकदा

स्पर्शून जा

उमलत्या पुष्प परागा हलकेच

चुंबून जा.. ।ध्रु।

*

तुजसाठी चांदण्यांचा साज

मी केला

शेला मृदू पाकळ्यांचा मंचकी

अंथरला

त्या गंधात रमण्या एकदा

येऊन जा

मन्मनीच्या गंध कोषा एकदा

स्पर्शून जा.. १

*

देह हा माझा एक कमळ

फुललेले

धुंद तुझ्या मिठीत शिरण्या

आसुसलेले

त्या रोमातल्या ठिणगीला

विझवून जा

मन्मनीच्या गंधकोषा एकदा

स्पर्शून जा …

*

सांगू कसे तुला मी भाव

स्पंदनातले

दावू कसे मोती ते अंतरीच्या

 शिंपल्यातले

दवबिंदूत रे भ्रमरा एकदा

भिजून जा

मन्मनीच्या गंध कोषा एकदा

स्पर्शून जा …

☆

© सौ. राधिका भांडारकर

ई ८०५ रोहन तरंग, वाकड पुणे ४११०५७

मो. ९४२१५२३६६९

radhikabhandarkar@yahoo.com

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #३११ ☆ जाम लावा भाकरीला… ☆ श्री अशोक श्रीपाद भांबुरे ☆

By Hemant BawankarNo Comments

श्री अशोक श्रीपाद भांबुरे

 

? अशोक भांबुरे जी यांची कविता अभिव्यक्ती # ३११ ?

☆ जाम लावा भाकरीला… ☆ श्री अशोक श्रीपाद भांबुरे ☆

☆

सात जन्माचे बंधन आता पाळतोय कोण

घटस्फोट हे घेण्याचे किती वाढलेय लोण

*

सात फेऱ्यांचाही तिने नाही पाळला करार

सोने नाणे घेऊन ही वधू झालेली फरार

*

लग्नापूर्वीचे शूटिंग खर्च केला हा लाखात

लग्नानंतर हो नाही कुणी कुणाच्या धाकात

*

भरपूर वेळ आहे नाही दळण कांडण

कुत्र्या मांजरा सारखे होते घरात भांडण

*

सम वाटणी कामाची दोघे आहे नोकरीला

भाजी नाही केली सांगे जाम लावा भाकरीला

*

माय कामावर गेली पोर घरी रडवेला

दूध आया ही पाजते माझ्या छोट्या लेकराला

*

आहे आबादी आबाद चकाकतोय बंगला

नाही संस्कार राहिले आहे माणूस खंगला

☆

 © अशोक श्रीपाद भांबुरे

धनकवडी, पुणे ४११ ०४३.

ashokbhambure123@gmail.com

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares