Category: चित्रकाव्य

श्री आशिष  बिवलकर

  चित्रकाव्य  

रडू आवरेना  श्री आशिष  बिवलकर ☆

☆

साखर महाग | तोंड झाले कडू |

सामान्यांना रडू | आवरेना ||१||

*

साखर सम्राट | झाले मालामाल |

जनता कंगाल | सद्यस्थिती ||२||

*

कृतिम टंचाई | साठेबाजी धंदा |

महागाई फंदा | गळ्यामध्ये ||३||

*

इथेनॉलसाठी | गाळपला ऊस |

सामान्यांची कूस | मोडूनिया ||४||

*

उसाला लागला | इथेनॉल कोल्हा |

खिशावर डल्ला | सामान्यांच्या ||५||

*

सहकार क्षेत्र | संपूर्ण उध्वस्त |

कारखाने फस्त | स्वार्थासाठी ||६||

*

सामान्यांच्या माथी | रोज नवा धोंडा |

अच्छेदिन गंडा | घालोनिया ||७||

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री प्रमोद वामन वर्तक  

  चित्रकाव्य  

अंतिम इच्छा   श्री प्रमोद वामन वर्तक ☆

☆

रोज येऊनी दारवठ्याला

वाट तुझी बघत बसते,

आज उद्या नक्की येशील

समजूत मनाची घालते!

*

 भूल तुला कशी पडली

 दूरच्या स्वप्न-नगरीची,

 सोडून सारी शेती वाडी

 वाट धरलीस त्या देशीची!

*

थकली सारी गात्रं आता

आला दिवस ढकलते,

नाही सोडली वेडी आशा

भरवसा उद्यावर ठेवते!

*

 डोळे माझे मिटण्या आधी

 तुला एकदाच पाहायचंय,

 डोकं ठेवून तुझ्या मांडीवर

 शांतपणे मला जायचंय!

 शांतपणे मला जायचंय!

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – pradnyavartak3@gmail.com

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री अनिल वामोरकर

  चित्रकाव्य  

व्योमकेशीणी… ☆ श्री अनिल वामोरकर ☆

☆

वाढता वाढता

परिघ वाढला,

जाहला ब्रह्मांडाएवढा

तूझिया अस्तित्वाचा…

 

सारे मानव

झाले तूझीच

तूही झालीस

तयांचीच…

 

ज्ञानसूर्य होवोनी

पसरलीस किरणे बनूनी

सदगुरु ॐ आई 

विश्वाचिच झाली…

 

एकदेशी न उरली

व्यापिले व्योमकेश,

ग्रहनक्षत्रे, देवही

तव भवती रास करिती…

 

सकल आत्म्यांची

तू आत्मा झालीस,

प्रत्येकाच्या हृदयी तू

तूझिया हृदयी 

ब्रह्मांड वसे…

 

एकरुप झाली

स्व रुप नुरले

पूर्णत्वाची प्रतिमा तू

द्वैत अद्वैतात विरून गेले…

☆

© श्री अनिल वामोरकर

अमरावती

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

रेणुका धनंजय मार्डीकर

  चित्रकाव्य  

हिमालयी फुलराणी…  रेणुका धनंजय मार्डीकर ☆

(अष्टाक्षरी) 

☆

रंग यांचा किती गोड

जणू घन आले खाली 

रिमझिम पावसात 

पहा फुले छत्री झाली

*

चिंतामणी म्हणू याला

म्हणू काय मी आकाशी

किती देखणी फुलारी 

रंगभरी मखलाशी

*

हिमालयी फुलराणी 

किती रुबाबच भारी

खसखस फुले म्हणू

नीलवंती जरतारी

*

केसाळली ह्याची पाने

मोठी मोठी छान फुले 

वसे हिमाच्या कुशीत

वाऱ्यासंगे पहा झुले 

*

पाकळ्यात नभ दिसे

कण सोनेरी दाटले

मना मोहिनी घालती 

उपवन हे भेटले

*

पावसाची रिमझिम 

बर्फ सारा फुलांवर

कधी थंडीची लहर

उमलते मनोहर

*

निळी निळी फुले सारी

माझ्या मनात भरली

त्यांच्या रूपाला भाळले 

काव्यातून चितारली

☆

© रेणुका धनंजय मार्डीकर

औसा.

मोबा. नं.  ८८५५९१७९१८

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

मी ओळखून आहे  श्री आशिष  बिवलकर ☆

☆

पादून हासणे अन् हासून हे पादणे

मी ओळखून आहे, कोठूनचे चणे

*

नाकातल्या केसांना का त्रास व्हावा 

जळताच वासांनी अन् उग्र असावा 

हे प्रश्न जीवघेणे, स्मरती ते दुखणे 

मी ओळखून आहे, कोठूनचे चणे

*

स्वार्थी मनुष्य असा त्याला कसे कळावे 

नाकात वास ज्याच्या त्यालाच दुःख ठावे 

चोरटा कटाक्ष खुळा, आम्हा कठीण जिणे

मी ओळखून आहे, कोठूनचे चणे

*

जाता समोरून दिवसा चमके तारा 

क्लेशातूनी झुळूकांच्या दुर्गंधीत वारा 

खात्रीत पादण्यांच्या संपती सारे वाटाणे

मी ओळखून आहे, कोठूनचे चणे

*

पादून हासणे अन् हसून हे पादणे

मी ओळखून आहे, हे कोठूनचे चणे

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

नीलांबरी शिर्के

श्री प्रमोद वामन वर्तक  

  चित्रकाव्य  

जीवघेणी स्पर्धा!   श्री प्रमोद वामन वर्तक ☆

☆

तू मोठ्ठा की मी मोठ्ठा 

लागे स्पर्धा खड्ड्यांत

पाहिलं बक्षीस ठेवलं 

अजून बळी फुकटात

 *

उघड गटार बाजूचं 

ऐकत होतं संभाषण 

मला पण घ्या स्पर्धेत 

मी पण मारले अनेकजण

 *

युती होताच दोघांची 

एकमताने ठराव केला 

एक वॉर्ड ऑफिसरच 

परीक्षक म्हणून नेमला

 *

किती देणार “मानधन” 

त्याने घरून प्रश्न केला,  

खाल्ले ते कमी नाहीत कां 

एक “दादा” खड्डा उत्तरला

 *

देण्याघेण्या वरून दोघांचं 

दरवर्षीप्रमाणे बिनसलं 

थुकपट्टीच्या कामामुळे 

यंदा ही नशिबी मरण आलं

यंदा ही नशिबी मरण आलं

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – pradnyavartak3@gmail.com

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री अनिल वामोरकर

  चित्रकाव्य  

घागर मे सागर… ☆ श्री अनिल वामोरकर ☆

☆

होते घनदाट तम हृदयी

तूवा लावली एक पणती,

तेजाचे कूपच निर्मिले

फाकली प्रभा ज्ञानप्रकाशाची…

 *

जे जे अरुप होते

त्यासी देई आकार,

पंगू ही चढे गिरी

मूक ही करी उच्चार…

 *

असीम तूझे प्रेम

नव्हता त्यास तीर

दूर मी जरी आहे

तरी अनुभवी कृपेचा पूर…

 *

येता तपोवनी

मडके घेवून रिकामे,  

सद्विचार,  श्रद्धा

भरून माघारी जातसे…

☆

© श्री अनिल वामोरकर

अमरावती

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री प्रमोद वामन वर्तक  

  चित्रकाव्य  

अनमोल जीव!   श्री प्रमोद वामन वर्तक ☆

☆

कानी कपाळी ओरडल्याने 

काही फरक पडला नाही 

पण काल रूळ ओलांडतांना 

यमराजाने धरली बाही 

*

रूळ क्रॉस करणे म्हणजे 

दंडनीय अपराध म्हणाला 

अटक केली आहे तुम्हाला 

आता गुपचूप चौकीवर चला

*

“दंड करा अटक करा 

आम्ही नाही ऐकणार 

एवढं वजन कॅरी करून 

गर्दीत ब्रिज कसा चढणार? “

*

अरे गाडीखाली गेलात तर 

पोरा बाळांचे काय होईल?

असतील म्हातारे आई बाप 

त्यांच्याकडे कोण पाहिल?

*

ब्रिजचा उपयोग प्रवाशांनी

रूळ ओलांडतांना करावा

जीव असे अनमोल आपला 

गाडीखाली कां घालवावा?

गाडीखाली कां घालवावा?

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – pradnyavartak3@gmail.com

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

रेणुका धनंजय मार्डीकर

  चित्रकाव्य  

नीलमणी ती मनमोहकशी…  रेणुका धनंजय मार्डीकर ☆

(वृत्त : सूर्यकांत (समुदितमदना)

(मात्रा :८+८+८+३=२७ यति ८ व १६ व्या मात्रेवर)

☆

किती देखणी जांभुळलेली लतिका मज आवडे

नीलमणी ही मनमोहकशी भुरळ मनाला पडे ||ध्रु||

*

सदाहरित ही वेल बहरते खरखर पाने किती

अखंड पाने फुले बहरती कधी न होते रिती 

गगनभेदण्या भरभर भरभर उंच चालली गडे

नीलमणी ही मनमोहकशी भुरळ मनाला पडे ||१||

*

हेमंत, शरद फुलव फुलवती वसंत झुलवी झुला

खार येउनी सरसर सरसर खाते साऱ्या फुला

मधमाशांना, चित्रपतंगा मधुघटची सापडे

नीलमणी ही मनमोहकशी भुरळ मनाला पडे ||२||

*

खोड जणू हे पेड घातले वेणीचे साजरे

राणीचे पुष्पहार त्यावर लटकतात हासरे 

फांदीवरती लखलखणारे नीलख भरले खडे 

नीलमणी ही मनमोहकशी भुरळ मनाला पडे ||३||

*

सुगंध त्यांचा मोहित करतो मन जाते ना तिथे

हरितांगावर नीलांबरसे पहा उतरले जिथे

समुदितमदना वृत्तामधले काव्य सुमंगल घडे 

नीलमणी ही मनमोहकशी भुरळ मनाला पडे ||४||

☆

© रेणुका धनंजय मार्डीकर

औसा.

मोबा. नं.  ८८५५९१७९१८

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈