मराठी साहित्य – कवितेचा उत्सव ☆ शून्य… ☆ श्री अनिल वामोरकर ☆

By Hemant BawankarNo Comments

श्री अनिल वामोरकर

? कवितेचा उत्सव ?

☆ शून्य… ☆ श्री अनिल वामोरकर ☆

☆

शून्य

शून्य इवलेसे

पुर्णत्वही देते

वाचे उच्चारीता

अपूर्णत्व वाटते…

*

यावे पुर्णत्व

व्हावे जीवन सार्थक

पूर्ण आणि शून्य

संज्ञा दोन अर्थ एक..

*

जीवनाच्या गणितात

शून्यचि हवे शेवटास

त्याशिवाय आहे का?

वाव नवनिर्मितीस…

*

रितं असेल

तरच भरेल

अमृतकुंभ

मानव तेव्हाच तरेल..

*

शून्यत्व हेचि पुर्णत्व

पुर्णत्व हेचि शून्यत्व

साधनेचे सोपान चढता

एकरूप होवू त्या वैश्विक शून्यात…

☆

© श्री अनिल वामोरकर

अमरावती

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ विजय साहित्य # २६१ – ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # २६१  – विजय साहित्य ?

☆ काळीज माया…! ☆

(वृत्त‌हरिभगिनी)

☆

कसा असावा, जोडिदार हा‌,

तुला सांगतो, ऐक जरा

श्वासाश्वासा, मधे पेरला

अनुभूतीचा बोल खरा.

*

समोर येता, शब्द साखरी

मागे त्याची, टवाळकी

असा नसावा, जोडीदार तो

बोलघेवड्या, कुचाळकी.

*

पारीजातक फुल फुलावे

दिठीत ज्याच्या परोपरी

असा  असावा, जोडीदार तो,

संकट येता दूर करी.

*

ओवी आणि शिवी जयाची

ओळख आहे मनांतरी

अशीच जोडी ,सौख्य देतसे

टिकून राही, जनांतरी.

*

ओळख झाली, जमली मैत्री

सहवासाची, ओढ मना

टिपून घेई,काळीज अपुले,

भाव मनीचा, असे कणा.

*

विश्वासाची, अमृत धारा

जोड असे ही, गुणकारी

कधी हासरी,कधी बोचरी,

मैत्री नाते, जपणारी.

*

असो अंतरी, प्रेम काळजी

दया करुणा, कीव नको

एका ताटी, जेवण खासे

मुखी गोडवा, सदा वसो.

*

जोडी असते, जोड मनाची

 खोड टाळ तू, दोषांची

रागा लोभा, वरती अपुल्या,

काळीज माया नात्यांची.

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ काय सांगू देवा तुझे… ☆ प्रा. सौ. सुमती पवार ☆

By Hemant BawankarNo Comments

प्रा. सौ. सुमती पवार

? कवितेचा उत्सव ?

☆ काय सांगू देवा तुझे… ☆ प्रा. सौ. सुमती पवार ☆

☆

काय सांगू देवा तुझे फारच उपकार

सदाच आहे खुले तुझे आम्हासाठी दार

*

पतितपावन आहेस देवा येते प्रचिती

तुझ्यामुळे विश्वाला या मिळते सद्गती

*

ठाई ठाई रूप तुझे दिसते आम्हाला

कशास जावे सांग आम्ही तीर्थक्षेत्राला…

*

पशुपक्षी प्राणी सारे तुझेच ना रूप

व्यर्थ का जाळतो आम्ही यज्ञातून तूप…

*

जळीस्थळीकाष्टीपाषाणी म्हणती आहे

म्हणून मी माझ्यामध्ये नित्य तुला पाहे..

*

श्वास माझा प्राण माझा सर्वस्व तूच

क्षणभर साथ सोडली की होते मग कूच..

*

तरी न डोळे उघडती ना होतो शहाणे

उठसूठ सुरूच असते आमचे गाऱ्हाणे..

☆

© प्रा.सौ.सुमती पवार 

 नाशिक

मो. ९७६३६०५६४२; ईमेल – svpawar6249@gmail.com

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 280 ☆ हे शिवशंकर… ☆ सुश्री प्रभा सोनवणे ☆

By Hemant Bawankar1 Comment

सुश्री प्रभा सोनवणे

? कवितेच्या प्रदेशात # 280 ?

☆ हे शिवशंकर… ☆ सुश्री प्रभा सोनवणे ☆

☆

कर्पूरगौरा, शुभांग, शंकर…

नीलकंठ स्वामी गिरिजावर

राहो सदा कृपा आम्हावर

हे ईश्वर….परमेश्वर!

*

कैलास पर्वत तुमचे निवासस्थान

व्याघ्रांबराचे बसण्यास आसन

जटेत गंगा, वामांगी गौरी,

सर्व पृथ्वीवर तुमचे अनुशासन!

*

हे शशीशेखरा, डमरू, त्रिशूल धारी,

तुमच्या नजरेत ही दुनिया सारी,

महादेव तुम्हीच पृथ्वीचे नियंता…

तुम्हीच आमचे भाग्यविधाता!

☆

© प्रभा सोनवणे

संपर्क – “सोनवणे हाऊस”, ३४८ सोमवार

पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- sonawane.prabha@gmail.com

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ मोकळा श्वास…☆ सौ.ज्योत्स्ना तानवडे☆

By Hemant Bawankar1 Comment

सौ.ज्योत्स्ना तानवडे

? कवितेचा उत्सव ?

☆ मोकळा श्वास ☆ सौ.ज्योत्स्ना तानवडे ☆

☆

बंदीवान मी या संसारी

गुदमरतो जीव भारी

सदैव एवढा एकच ध्यास

फक्त घ्यायचाय मोकळा श्वास ||

*

रूढींचे हे बंध काटेरी

नात्यांचे ते गुंते भारी

एक सोडवू पहाता गुंते

दुसरा आपोआप ||

*

मालक नको सहचरी मिळो

संवादाचे सूर जुळो

माणूस म्हणुनी साथ मिळो

ही मनास वाटे आस ||

*

मी न दासी मी न भोगदासी

मी न करमणुकीचे साधन

माझी कला माझे जीवन

माझ्या श्रमा सन्मानाची आस ||

*

मला न अपेक्षित मुक्ती

माझ्यातच एक दैवी शक्ती

शिवशक्तीची जोड ईश्वरी

लाभो मजसह सकलास ||

☆

© सौ.ज्योत्स्ना तानवडे

वारजे, पुणे.५८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ मी न बोललो तुला… ☆ श्री विनायक कुलकर्णी ☆

By Hemant Bawankar1 Comment

श्री विनायक कुलकर्णी

? कवितेचा उत्सव ? 

☆ मी न बोललो तुला… ☆ श्री विनायक कुलकर्णी ☆ 

(गझलपंचमी)

☆

मी न बोललो तुला, ऐकलेस तू कसे

शब्द जे हवे तसे, वेचलेस तू कसे

*

आज लाजली जुई, पाहुनी पुन्हा मला

कालचेच गंध ते, माळलेस तू कसे

*

पापण्यात रोखतो, आसवे तशीच ती

दुःख या मनातले, ढाळलेस तू कसे

*

पाहतो तुला जरी, लांब राहुनी उभा

प्रेम अंतरातले, मोजलेस तू कसे

*

काल भेटलो जिथे, थांबतो तिथेच ये

सांगण्याअधी मला, शोधलेस तू कसे

☆

© श्री विनायक कुलकर्णी

मो – 8600081092

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – वाचताना वेचलेले ☆ श्रावणमासी खेद मानसी – कवी : अज्ञात ☆ प्रस्तुती – श्री सुहास रघुनाथ पंडित ☆

By Hemant Bawankar1 Comment

श्री सुहास रघुनाथ पंडित

? वाचताना वेचलेले ?

☆ श्रावणमासी खेद मानसी – कवी : अज्ञात ☆ प्रस्तुती – श्री सुहास रघुनाथ पंडित ☆

☆

एक वास्तव

खूप छान विडंबन…….

*

श्रावणमासी खेद मानसी

हिरवळ गेली कुणीकडे?

शहरे भरली इमारतींनी

डांबर फरश्या चहुकडे।।

*

मनु बदलला अणु फोडला

निसर्गातही बदल घडे

श्रावणमासी तो मौजेचा

पाऊस आता कुठे पडे ? ।।

*

राने तुटली, कुरणे हटली

उजाड हे डोंगरमाथे

सुंदर हरणी हिरव्या कुरणी

कुठे कशी मग बागडते? ।।

*

सुवर्ण चंपक अजुनी फुलतो

रम्य केवडा दरवळतो

नगरनिवासीजन हौसेस्तव

बाजारी विकला जातो ।।

*

थकून भागून घरी परतती

ललना सायंसमयाला

हर्ष न उरतो ह्रदयी त्यांच्या

देवदर्शना निघण्याला ।।

*

प्रदुषणाने जीवन अवघे

होऊनी गेले संत्रस्त

कुठे कुणाच्या वदनी वाचू

श्रावण महिन्याचे हे गीत ।।

☆

कवी: अज्ञात

प्रस्तुती : श्री सुहास रघुनाथ पंडित

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #296 ☆ मुठीतली वाळू… ☆ श्री अशोक श्रीपाद भांबुरे ☆

By Hemant BawankarNo Comments

श्री अशोक श्रीपाद भांबुरे

? अशोक भांबुरे जी यांची कविता अभिव्यक्ती # 296 ?

☆ मुठीतली वाळू… ☆ श्री अशोक श्रीपाद भांबुरे ☆

☆

नशिबानं गाठ मारताना

करकचून मारायला हवी होती

पण

सरगाठ मारली

चुकून

की

जाणूनबुजून

माहित नाही

मुठीतली वाळू सुटावी

तशी सुटत गेली

कळलंच नाही

वाळू की गाठ…

 

काय चुकलं

वाळू मुठीत नको

ओंजळीत धरायला हवी होती

पण तेव्हा

कळलं नाही

आणि आता

कळून उपयोग नाही…

 

कारण आता

ती नाही

समुद्र नाही

वाळू नाही

व

गाठ मारायला

पदरही नाही…!

☆

© श्री अशोक श्रीपाद भांबुरे

धनकवडी, पुणे ४११ ०४३.

ashokbhambure123@gmail.com

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “निसर्ग…“☆ सौ. वृंदा गंभीर ☆

By Hemant BawankarNo Comments

सौ. वृंदा गंभीर

? कवितेचा उत्सव ?

☆ निसर्ग… ☆ सौ. वृंदा गंभीर ☆

(अष्टाक्षरी)

☆

झाली आवनी हिरवी

शालू नेसली हिरवा

काळी धरणी सजली

पिकं घेती हेलकावा

*

रूप निसर्गाचं नवे

दिसे छान अतिशय

किती डोळ्याने पहावे

गीत गावे प्रेममय. ,.

*

वाहे ओढे नदी नाले

पाणी पाणी चोहीकडे

धबधबे ओसंडते

मन ओढे दृष्याकडे….

*

स्तुती करावी मनाने

हृदयी साठवावा ठेवा

दिले खूप निसर्गाने

हाती यावा रानमेवा….

*

इंद्रधनु रंग शोभे

फुले विविध रंगाने

सप्त रंगानी गवशे

मनी भाव आनंदाने

☆

© सौ. वृंदा पंकज गंभीर (दत्तकन्या)

न-हे, पुणे. – मो न. 8799843148

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ मैत्री… ☆ श्रीशैल चौगुले ☆

By Hemant BawankarNo Comments

श्रीशैल चौगुले

? कवितेचा उत्सव ?

☆ मैत्री… ☆ श्रीशैल चौगुले ☆

☆

अंतःकरणापासून झालो एकरुप

तुझी आठवण मित्रा येते आज खूप.

*

कधी खेळलो बागडलो धरुनी हात

जन्मभर मैत्रीची शपथ देई साथ.

*

कधी एकाच घासाचे तुकडे ते दोन

नाते मैत्रीचे भावासम कर्ण नि शोण.

*

असे घडते कधी गरिबीत तु प्राण

सुदाम्यास तो जणू कृष्ण भेटीची आण.

*

करतोस सख्याची भाषा राहूनी दूर

तुझ्याविन या जीवाला लागे हुरहुर.

 ☆

© श्रीशैल चौगुले

मो. ९६७३०१२०९०.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈

Please share your Post !

Shares