श्री सुहास रघुनाथ पंडित
कवितेचा उत्सव
☆ हिरवाई... ☆ श्री सुहास रघुनाथ पंडित ☆
☆
हिरवाईच्या हिरव्या हिरव्या लाटा बघून खुलतो
हिरव्या लाटांवरचे हिरवे तुषार पिऊन जगतो
*
हिरव्या हिरव्या झाडांचीही हिरवी हिरवी पाने
हिरव्या हिरव्या पानांमधुनी फुलते हिरवे गाणे
*
हिरव्या हिरव्या पाण्यावरती हिरव्या हिरव्या लाटा
हिरव्या हिरव्या कुरणामधुनी हिरव्या हिरव्या वाटा
*
हिरव्या हिरव्या फांदीवरती हिरवे हिरवे यावे
हिरव्या हिरव्या वेळुवनातून गाती हिरवे पावे
*
हिरवी शाई, हिरवा कागद, हिरवे हिरवे अक्षर
हिरवी भाषा, हिरवी आशा, मनात हिरवे अंकुर
☆
© श्री सुहास रघुनाथ पंडित
सांगली (महाराष्ट्र)
मो – 9421225491
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
काव्यानंद 
बाप्पा.. दे यांना सद्बुद्धी.. 
