सुश्री शोभना आगाशे
इंद्रधनुष्य
☆ चांगदेव पासष्ठी – भाग-३… ☆भावानुवाद- सुश्री शोभना आगाशे ☆
तव देह म्हणजे तू नसशी
तव जीव देखिल तू नसशी
तू तर केवळ आत्मा असशी
सुखदुःखाच्या परे असशी
मना भासे सुखदुःखाचे लिंपण
परि आत्म्याला ते न स्पर्शे जाण
आरशात जसे प्रतिबिंब दिसे
विश्वरूपे परमात्मा असे
दृश्य द्रष्टा असे आपणचि
आपणा सन्मुख आपणचि॥१६॥
अज्ञाने प्रतिबिंबा ये बिंबत्व
तद्वत येई परमात्म्या द्रष्टत्व
अविद्या दावी दृश्य द्रष्टा द्वैत
परि ज्ञानयोगे साधे अद्वैत॥१७॥
बाणी तो स्वतःआपुल्या पोटी
द्रष्टा दृश्य दर्शन त्रिपुटी॥१८॥
सुताच्या गुंडी सूतचि पाविजे
तीनपणेविण त्रिपुटी जाणिजे॥१९॥
दर्पणी पाहता मुख
आपुलेसि आपण देख
आरसा नसता न राही बिंबत्व
तसेच जाई पहाणाराचे द्रष्टत्व॥२०॥
© सुश्री शोभना आगाशे
सांगली
दूरभाष क्र. ९८५०२२८६५८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
