Category: कवितेचा उत्सव 2

श्री आशिष  बिवलकर

  चित्रकाव्य  

त्याच त्याच रोज | मरणयातना ||  श्री आशिष  बिवलकर ☆

☆

राज्यकर्ते करी | स्वतःचीच लाल |

जनता बेहाल | रस्त्यावर ||१||

*

त्याच त्याच रोज | मरण यातना |

प्रश्नच सुटेना | ट्राफिकचा ||२||

*

तासोंतास चाले | वाहतूक कोंडी |

जीव रडकुंडी  | प्रवासात ||३||

*

ट्राफिक पोलीस |  करे मनमानी |

गाड्या आडवुनी | जैसी मर्जी ||४||

*

मंत्री संत्री ताफा | पळतो सुसाट |

जनतेचे वाट | लावोनिया ||५||

*

रोड टॅक्स टोल | सर्रास वसुली |

जनता मामुली | सत्तेपुढे ||६||

*

एकमेकांचीच | खेचा तुम्ही टांग |

वाहनांची रांग | आम्हां भाळी ||७||

*

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

डॉ. सोनिया कस्तुरे

  चित्रकाव्य  

– “तू असतांना.. तू नसतांना…” –  ☆ डॉ.सोनिया कस्तुरे ☆

 ☆

एकटीच मी बरी वाटे तू असतांना

उगाच का विरह दाटे तू नसतांना?

*

सततची धांदल वाटे तू असतांना

उगाच का निरव साचे तू नसतांना?

*

अधीर मी पुस्तक वाचण्या तू असतांना

पानोपानी तुझी प्रतिमा तू नसतांना?

*

स्वच्छंदीचा ध्यास मज, तू असतांना

उगाच का भयाण भासे तू नसतांना?

*

चहाचा मी आग्रह धरी तू असतांना

कॉफी तुझी का प्रिय वाटे तू नसतांना?

*

अंधार निमाला, किरणे प्रकाशतांना

पाने हसली तुझी चाहूल लागतांना..

☆

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री तुकाराम दादा पाटील

 कवितेचा उत्सव 

☆ कर्तृत्व… ☆ प्रा तुकाराम दादा पाटील ☆

☆

सुधारणांचा सोस असावा

जुना लाभण्या पुन्हा विसावा

*

समाजसेवा करणारला

कुटुंब वत्सल ज्ञात असावा

*

सुखात जनता वावरण्याला

गुंडगिरीला चाप बसावा

*

समर्थ करण्या व्याख्यानाला

आत्मस्तुतीचा दर्प नसावा

*

लिखानातल्या पसा-यातुनी

भरीव काही अर्थ निघावा

*

भक्कम करण्या आधाराला

आपुलकीने स्पर्श करावा

*

मैत्री मधल्या वागणुकीला

प्रेमाचा अनुबंध कळावा

*

समेट पुरता घडवायाला

तना मनाचा द्वेष जळावा

*

परोपकारी बनण्यासाठी

दातृत्वाचा हात मिळावा

*

यशसंपादन करण्यासाठी

कर्तृत्वाचा ध्यास जपावा

☆

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

श्री अनिल वामोरकर

 कवितेचा उत्सव 

☆ आम्ही जातो आमच्या गावा… ☆ श्री अनिल वामोरकर ☆

☆

निघालो घेऊन

उर्जेची गाठोडी

साधनेस उपयोगी

निशीदिनी…

*

शब्दात ओवणे

कठीण कठीण

अनुभवाल तेव्हाच

येता तपोवनी…

*

धागा एक एक

पाश एक एक

तुटून, सुटून

व्हाल आबादानी…

*

साधन आणि सेवा

एकाच नाण्याच्या

बाजू दोन

व्हाल अष्टावधानी..

*

प्रपंच हवा नेटका

तोचि परमार्थ साधका

आहे हे अभेद्य

जाण त्वा जगामाजी..

*

आले डोळा पाणी

जड झाले पाऊले

शरीराने जरी माघारी

मन मात्र अजूनही तपोवनी..

☆

© श्री अनिल वामोरकर

अमरावती

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

सुश्री नीलांबरी शिर्के

  चित्रकाव्य  

जीव केवढा.. काम केवढे..?   सुश्री नीलांबरी शिर्के ☆

☆

वाहक युक्ती वाहन युक्तीला

पोलीसही करी सलाम

दोन चाकी इवल्या वाहना

लावलेस हे केवढे काम

*
जीव केवढा या वाहनाचा

त्यावर आरूढ कैक जणांचा

विचार करावा बसणारांनी

श्वास कोंडला असेल त्याचा

*
उतरा खाली सारे सत्वर

सत्कारच मी करतो तुमचा……

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

विसर्जन… श्री आशिष  बिवलकर ☆

☆

विसर्जन करून आलो,

मखर भासते सुनेसुने |

उडाली रंगत सजावटीची,

भरलेले घर वाटे उणे उणे |

*
मन झाले अस्वस्थ,

चलबिचल झाली मनाची |

लक्ष पुन्हा जाई मखराकडे,

आठवण येते गणाची |

*
सजल्या मखरात,

उरला शंख आणि वाळू |

बाप्पा गेला गावाला,

कटू सत्य हे कसे टाळू |

*
नवा दिवस उजाडेल,

सुरु होईल राहटगाड |

घड्याळाचा काटा,

धावेल मागे जीवापाड |

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री दयानंद घोटकर

 कवितेचा उत्सव 

☆ मागणे श्री गजानना… ☆ श्री दयानंद घोटकर☆

☆

दयानिधी हे, सिद्धी वल्लभा

माय पिता तूच, गुरु सोयरा

शरण तुजला, श्री गणेशा

दे प्रज्ञा, कला हे चिन्मया….

*

देह बुद्धीचे, कर्म टळेना

विषय वासना, दूर हटेना

जीवनी, भ्रांती संपेना

दे ज्ञान, वैराग्य, भावना….

*

अहंकार, अभिमान दाटला

विश्वामाजी, कली मातला

यंत्र तंत्र, अतिरेक जाहला

सत्य संकल्प, नाही उरला

दे शांती समाधान, भक्ता….

*

प्रदूषणाचा, असुर मातला

शोक संताप, जगी वाढला

निस्वार्थ सेवा, कुठे दिसेना

अंगी देवत्वही, जाणवेना

दे सामर्थ्य, संयम, मानवा…

*

सकल दोष हे, नष्ट होऊ दे

धर्म, कर्म, संशोधन वाढू दे

मंगलनाम तव, मुखी असू दे

यश लाभू दे, अध्यापना…

☆

© श्री दयानंद घोटकर (प्रेमकवी)

संपर्क – तावरे काॅलनी.सातारा रोड.पुणे

मो 9822207068

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

या अवघड वाटेवर… श्री आशिष  बिवलकर ☆

☆ 

डोईवर पाट धरला,

अंत:करण झाले जड |

वाट विसर्जनाची,

चालणे झाले अवघड |

*

भाव दाटले मनी,

नयनी अश्रू धारा |

आसवांनी भिजून माझा 

गेला देह सारा |

*

धीर देती मंडळी,

हात ठेवुनी पाठीवर |

सोबत त्यांची हवी वाटते 

या अवघड वाटेवर |

*

पार्थिव रुपी बाप्पाचे,

जरी आज विसर्जन |

भक्तीभावाने भरलेले,

असेल नित माझे मन |

*

निरोप देतो तुम्हा आता,

जुळले माझे दोन्ही कर |

आमंत्रण आम्हा सर्वांचे,

पुढल्या वर्षी या लवकर |

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈