Category: कवितेचा उत्सव 2

मेहबूब जमादार 

 कवितेचा उत्सव 

☆ पाऊस अवकाळी… ☆  मेहबूब जमादार ☆

☆

पाऊस असा अवेळी

गेला पिकांस घेऊन

सारं झोपलं शिवार

डोळ्यात पाणी ठेवून

*

भर पावसाळी तुझं

येणं का बरं नसावं?

आल्या भरी पिकांचं

किती नुकसान व्हावं

*

वर, झणाणता वारा

झाडावेलीं थैथयाट

पिसाटली रानपिकं

तुझी चुकलेली वाट

*

कसं चुकार पाखरू

सापडेना त्याला खोप

दरसाली तुझा फेरा

आणि बिघडतं माप

*

सा-या चराचरीं तू रे

येशी होऊनिया काळ

सांग शिवू कसं आम्ही

सारं फाटकं आभाळ ……

☆

© मेहबूब जमादार

मु. कासमवाडी,पोस्ट -पेठ, ता. वाळवा, जि. सांगली

मो .9970900243

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

डाॅ. मधुवंती दिलीप कुलकर्णी

 कवितेचा उत्सव 

☆ धरतीचा पर्वकाळ... ☆  डाॅ. मधुवंती दिलीप कुलकर्णी ☆

☆

श्रावणात बागडता

दवबिंदू चमकले

क्षणार्धात सर आली

तृणपाते शहारले ||१||

*

केकारव मोर करी

पिसाऱ्यास फुलविता

थेंब होति अलवार

लोलकात विहरता ||२||

*

झाडे ही सळसळती

घुंगुरती पर्णफुले

खळाळीत गात झरे

विहगांचे गान फुले ||३||

 *

हिरवळ ही ओलेती

पायवाट मखमली

लेवुनिया सोनसाज

मोहरल्या तरूवेली ||४||

*

भक्तिभाव श्रावणात

चंपकात स्वर्णमयी

अवनीच्या उत्सवात

 इंद्रधनू रंगमयी ||५||

*

सडा दारि पारिजात

जाइजुई बकुळीचा

गुलबक्षी सूत्रहार

पर्वकाळ धरणीचा ||६||

*

न्हाउनिया सचैल ही

वसुंधरा सुखावली

सृष्टिच्याच गर्भगृही

ध्यानमग्न विसावली ||७||

*

© डाॅ. मधुवंती दिलीप कुलकर्णी

जि.सांगली

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री सुहास रघुनाथ पंडित

 कवितेचा उत्सव 

☆ तो तसा…. हा असा... ☆ श्री सुहास रघुनाथ पंडित ☆

☆

तो आषाढ तसा आणि असा हा श्रावण

तो सहस्रधारा, हा ऋतू मनभावन

*

माळून गळ्यामधे थेंबांचे मणिहार

फेर गुंफिती करात घालुनिया कर

*

तो भिजवीत जाई मुक्तपणाने तन

हा मन रिझवी नेसून कोवळे उन्ह

*

कोसळतसे उद्दाम होऊनी तो तिथे

झिरमिरे सोनसळी उन्हात हा इथे

*

आक्रमे नभाला तो घेऊन घनफौज

थांबतो, बरसतो अशी ही याची मौज

*

सोनेरी किरणे कधी ना दिसती त्याला

हा सजण्यासाठी सदैव कांचन ल्याला

*

अवसेला जातो देऊन दिव्यांचे तेज

व्रत, वैकल्यांचा शोभतो श्रावणी साज

*

आषाढ सरतो, सोडून श्रावणधारा

चैतन्याचे पंख लाभतात मनमोरा

☆

© श्री सुहास रघुनाथ पंडित 

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. रेणुका धनंजय मार्डीकर

  चित्रकाव्य  

गुलबक्षी… सौ.रेणुका धनंजय मार्डीकर ☆

☆

तिन्ही सांजेला दिसते झाडा झाडावर नक्षी 

येते स्वागताला पहा उमलून गुलबक्षी

*
वेळ अजबच हिची श्रावणात बहरते

भादव्यात गणेशाच्या अंगावर लहरत

चंद्रकंठ म्हणतात चंद्रप्रकाश हा रक्षी

येते स्वागताला पहा उमलून गुलबक्षी

*

देशामध्ये विदेशात आहे खूप हिची ख्याती

संध्या मालती होऊन नित्य बहरत जाती

कधी गुलाबी पांढरी वेधतसे जणू लक्षी 

येते स्वागताला पहा उमलून गुलबक्षी 

 *

कोणी जांभळी चमेली, बहुरंगी निशाचर

कुठे असरुमा नामे कुठे सूर्यास्त सुंदर

मधु कण हिच्यावर गोळा करी मधुमक्षी

येते स्वागताला पहा उमलून गुलबक्षी

 *

कुठे रात्रीची ही राणी आणि गोधुली गोपाल

हिच्या संगतीत रमे सानथोर किती काल

शांत निशांत वेळेला सूर्य चंद्र हिच्या कक्षी 

येते स्वागताला पहा उमलून गुलबक्षी 

☆

डॉ. सोनिया कस्तुरे

  चित्रकाव्य  

– “सोनचाफा…” –  ☆ डॉ.सोनिया कस्तुरे ☆

 ☆

तेजस्वी रुप पाहता

मन मोहरुन गेले 

अंतरीच्या वेदनांचे

सुगंधी फूल झाले.

*

मकरंद गोड हृदयी

मज मोह आवरेना

देखणे इतके फूल

मज तोल सावरेना

*
भाव गंध दरवळ 

मज ध्यास सोडवेना

हळूच स्वल्प न्याहळे

परी दूर लोटवेना

*

सद् विचार मानवी

अवीट या चाफ्यापरी 

अलगद स्पर्श होता

सुगंध ओंजळभरी 

☆

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री राजकुमार दत्तात्रय कवठेकर

 कवितेचा उत्सव 

☆ श्रावण… ☆ श्री राजकुमार कवठेकर ☆

☆

ओल्या हिरव्या पाऊली, आला आषाढ-श्रावण

आली स्वागतास त्याच्या, उन्हे केतकी न्हाऊन

वारा मातला गंधात, झाले रानवेडे पक्षी

निथळत्या पानांतून, झाली जळभर न‌क्षी

*

झुले हालती फांद्यांचे, झाली पानांची पैंजणे

तृणपाते इवलेसे, तेही डोले दिमाखाने

ऊन खेळे पावसाशी, तेढ विसरून जुनी

झाली मनांमनांतील, दुःख वेदनांनी गाणी

*

थोडा माझ्या ही देहात, स्वैर वाहू दे हा वारा

आणि मिटल्या मनाचा, धुंद फुलू दे पिसारा

भग्न.. ओसाड जीवाचे गजबजू दे रे गांव

पुन्हा एकदा श्रावणा, ‘जीवलगा ‘स भेटव

☆

© श्री राजकुमार दत्तात्रय कवठेकर

कवी / गझलकार

संपर्क : ओंकार अपार्टमेंट, डी बिल्डिंग, शनिवार पेठ, आशा  टाकिज जवळ, मिरज मो ९४२११०५८१३

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. ज्योती कुळकर्णी 

 कवितेचा उत्सव 

☆ जीवन… ☆ सौ. ज्योती कुळकर्णी ☆  

☆

दुज्या कुणाच्या ओंजळीतुनी तहान भागत नाही

मरणा आधी स्वर्ग कुणाला कधीच दिसत नाही

*

सुरकुतलेल्या चेहेऱ्याचा तू चिंतातुर दिसतो

हसले नाही तर जगण्याला येणे रंगत नाही

*

लाटांवरती स्वार होउनी कवेत घे तू वादळ

अनुभवाविना संसाराची खोली समजत नाही

*

पारखून घे आसपासचे सखे सोबती सगळे

मधुमेहाला गोड बोलणे सुद्धा चालत नाही

*

प्रसाद खाण्या पाखंडी पण कुणी मंदिरी येती

किर्तनाविना भक्तांची तर पंगत रंगत नाही

*

पुस्तकातले ज्ञान पाजळू नकोस येथे काही

जीवनातले ठेच लागणे ‘वाचून’ कळत नाही

*

दंतविहिन पण असा कसा हो हिरवा हिरवा आहे

वय झाले पण जगण्याची तो आशा सोडत नाही

 ☆

© सौ. ज्योती कुळकर्णी

अकोला

मोबा. नं. ९८२२१०९६२४

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्रीशैल चौगुले

 कवितेचा उत्सव 

☆ श्रावण शीळ… ☆ श्रीशैल चौगुले ☆

☆

शीळ घालुनी वा-या सांगे

श्रावण आला मेघ धारा

ऊन क्षणात मागे येती

हृदयी ओल्या स्मृती भरा.

*

नाचत झाड-वेली-फुले

हरित धरा घेती झुले

साद कोकीळी कुहू-कुहू

खळखळ झ-याशी बोले.

*

सोनेरी सप्त इंद्रधनू

मनात हर्ष नाद घुमे

ऐरावत जणू डोलतो

गगनी पक्षी भाव रमे.

*

पिवळ्या पानांची झड

ऋतू सावळा स्पर्श करी

रंगीत-संगीत निसर्ग

स्वर्ग अवतरे भुवरी.

*

पशू-गोचर होती तृप्त

जणू गोकुळी कृष्ण वनी

वाजे बासरी हळू कुठे

पर्वत सागरा भेट ऋणी.

*

मानव सुखी देव पुजा

स्वछंद भक्तीत मंदिरी

आला श्रावण कृपा धेनू

प्रेम आळवित अंतरी.

 ☆

© श्रीशैल चौगुले