सुश्री प्रभा सोनवणे
कवितेच्या प्रदेशात # २९८
☆ कळले मला… ☆ सुश्री प्रभा सोनवणे ☆
☆
धुक्यात दिसते धूसर हे शहर कळले मला,
तुझ्याच साठी जगले आजवर कळले मला!
*
उदास वाटा, निबीड जंगल, भयावह सर्व,
प्रकाश नव्हता, तिकडे लांबवर, कळले मला!
*
प्रवाह नेतो, आपण मुकाट जावे तिकडे,
अमृत समजत, प्राशावे जहर कळले मला!
*
शिकवण होती, इथे ‘बायका जगतात असे’,
नवीन मुलगी आहे बेखबर कळले मला!
*
नसतो दोषी, येथे कोणी, प्राक्तना समज,
नियती आहे लहरी जन्मभर कळले मला!
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सादर प्रणाम!! 
