Category: कवितेचा उत्सव 2

श्रीशैल चौगुले

 

 कवितेचा उत्सव 

☆ कलियुगाशी… ☆ श्रीशैल चौगुले ☆

☆

सा-या युगाची साक्ष

पंचभूतांचे रक्ष

जीवनिर्जीव दक्ष

देवप्रमाण.

*

अहं प्रवृत्ती दुष्ट

आयु जीवन नष्ट

असूर तेची स्पष्ट

दैत्यसमान.

*

सत्य वर्तनी राम

एक वचनी धाम

एक पत्नीत नाम

पुरुषोत्तम.

*

विश्व लिलेचे चित्र

ज्ञान शिक्षेचे छत्र

सत्ता प्रजेचे सत्र

श्रीकृष्णरुप.

*

हेची आदर्श देशा

तेची मानवा शेषा

पुण्य संचित आशा

कलियुगाशी.

 ☆

© श्रीशैल चौगुले

डॉ. माधुरी जोशी

 कवितेचा उत्सव 

☆ उजळो सर्वांचे भाग्य… ☆ डॉ. माधुरी जोशी ☆

☆

 मागते फक्त सन्मान

वाहून सर्व जीवन.

घरी दारी ती सतत

कष्टते साहून अपमान

कारण मायेचा धागा

सर्वांसाठी तसाच

मानिते आपुले सारे

ना कधीच पंक्तीप्रपंच

त्या अंतिम श्वासापर्यंत

जर ती असते जुळलेली

मग एकंच दिवस का हा?

गौरव तिच्या भाळी?

सारेच नसती अन्यायी

मग भाग्यवानही काही

सर्वांचे ऊजळो भाग्य

एवढीच विनंती पायी

☆

© डॉ.माधुरी जोशी

 ≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

 

  चित्रकाव्य  

क्षणार्धात संपला, सुंदर स्वप्नांचा डाव  श्री आशिष  बिवलकर ☆

☆

निष्पाप निरागस,

जीव तीन कोवळे |

झडप काळाची,

पाणावलेत डोळे |

*

सुंदर फुलण्याआधीच,

काळाने कळ्या तोडल्या |

क्रूर निष्ठुर नियतीने,

अग्नीकुंडात जाळल्या |

*

निरागस नजर,

निरागस त्यातले भाव |

क्षणार्धात संपला,

सुंदर स्वप्नांचा डाव |

*

मृत्यू म्हणजे काय,

समजण्यापलीकडचे वय |

गाठले मृत्यूने त्यांना,

कशाचीही नाही केली गय |

*

हसतं खेळतं कुटुंब,

क्षणात झालं उध्वस्त |

अग्नीच्या ज्वाळांनी,

क्षणात केलं फस्त |

*

सांग ना गं नियती,

इतकी निष्ठुर का वागली |

गोऱ्या गोबऱ्या गालांवरची,

लाली कशी ना तुज उमगली |

*

वज्राहून कठोर हृदये,

ती देखील पिळवटलीत |

पाहून मृत्यूचे थैमान,

करोडो मनं हळहळलीत |

*

शेवटचा गोड हा सेल्फी,

लावून गेला जीवाला खंत |

वैरी जरी असला कोणी,

नसावा त्याचा असा अंत |

☆

(चित्र सौजन्य – श्री आशिष बिवलकर) 

© श्री आशिष  बिवलकर

दि. 14 जून 2025

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री तुकाराम दादा पाटील

 कवितेचा उत्सव 

☆ ओढ… ☆ प्रा तुकाराम दादा पाटील ☆

☆

हळू किती पावले चालली

तरी तुझी पैंजणे वाजली

*

मनातला कोपरा हासला

तशी खुळी कोतुके जागली

*

तुझा किती चेहरा लाजला

गळामिठी वेगळी वाटली

*

हळू मला आरसा बोलला

तिने म्हणे पापणी झाकली

*

खरे तुला आज मी सांगतो

तुझ्या मुळे कळजी संपली

*

हळू करू मागणी आणखी

मिळायला संपदा चांगली

*

जगा पुढे सारखे जायचे

मनो मनी ओढ ही लागली

☆

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. वृंदा गंभीर

कवितेचा उत्सव

☆ थोडं तुझं थोडं माझं… ☆ सौ. वृंदा गंभीर ☆

☆

संसाराची घडी अशीच

बसवायची असते

थोडं तुझं थोडं माझं करत

पुढे चालायचं असतं

 *

पती पत्नी संसाराची

दोन चाकं असतात

एकाचं चुकलं तर दुसऱ्याने

सावरायचं असतं

 *

पेल्यातलं वादळ कधी

कधी येत असतं

हसत हसत पाळून

लावायचं असतं

 *

एकाचं मीठ एकाची मिरची

संसार असाच असतो

तुझं माझं मिळून घर

सांभाळायचं असतं

* 

तुझे आई बाबा माझे

माझे आई बाबा तुझे

मन भरून जगायचं असतं

थोडं तुझं थोडं माझं

म्हणून स्वीकारायचं असतं

 ☆

© सौ. वृंदा पंकज गंभीर (दत्तकन्या)

न-हे, पुणे. – मो न. 8799843148

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. जयश्री पाटील

 कवितेच्या उत्सव 

☆ पाठवणी… ☆ सौ. जयश्री पाटील ☆

☆

कशी वागलीस आज सांग तू नव्हेस माझी पत्नी

वृद्धाश्रमी आई बाबांना धाडणारी तू तर कैदाशिणी

*

नावावर करून घेतलीस संपत्ती गोड बोलुनी

धिक्कार असो तुझा ग तू तर निघाली चांडाळणी

*

आई वडील दैवत माझे होते गरीब अडाणी

घात त्यांचा केलास तू कुठे फेडशील हे पापिणी

*

झडली नाही जीभ कशी तुझे खोटे नाटे बोलुनी

निघ इथून तू का थांबली जा तोंड काळे करुनी

*

शरम नाही तुला थोडीही संस्कार गेली विसरुनी

थांब तुलाही देतो आता तुझ्या माहेरी पाठवुनी

*

काय पडले कमी तुला काय साधले असे करुनी

कोणते सुख शोधतेस चौकट घराची मोडुनी

*

येऊ नकोस समोर माझ्या नाव माझे घेऊ नकोस

नरडीचा घोट घेईन तू नको परीक्षा पाहूस

*

शोधून आणेन त्यांना आकाश पाताळातुनी

बघ तुझे तू आता चालती हो या घरातूनी

*

होशील तू ही म्हातारी तुझीच स्मरूनी करणी

मुलेच करतील तुझी वृद्धाश्रमी पाठविणी

☆

© सौ. जयश्री पाटील

विजयनगर.सांगली.

मो.नं.:-8275592044

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. उज्वला सुहास सहस्रबुद्धे

 कवितेचा उत्सव 

☆ एकांत की एकाकी… ☆ सुश्री उज्वला सुहास सहस्रबुद्धे ☆

☆

वाटते कधी कधी मना,

 एकांत हवा उपभोगाया!

 पण माणूस प्रीय मन माझे,

 लागते सहवास शोधाया!

 *

एकांत माणसाला,

 शांतता‌ प्रीय वाटे!

 पण एकाकीपणाची

 खंत मनात दाटे!

 *

कधी वाटते समाजापासून,

 दूर राहावे एकांती!

 अन् शांत मनाचे पडसाद

उमटावे अपुल्या भोवती!

 *

कधी वाटते सुटून जावे,

 गर्दीतून या दूर!

 एकट्या मनाला मिळत नाही,

 जगण्याचा तो सूर!

☆

© सुश्री उज्वला सुहास सहस्रबुद्धे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

  चित्रकाव्य  

दिसतं तसं नसतं हो…    सुश्री नीलांबरी शिर्के ☆

☆

असणं आणि दिसणं यात

खूप काही फरक असतो

फोटोमधे बघत असता

 प्रामुख्याने तो जाणवतो

*

नरम मुलायम रेशीम रेती

त्यावर हटयोग करे युवती

निरखुनी पहाता सारे कळते

समजुन येते आपली फजिती

*

दृष्टीभ्रम हा असेल अथवा

युक्ति फोटो काढायाची 

म्हणून मत देण्याआधीच

सवय करावी निरखायाची

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री सुहास रघुनाथ पंडित

 कवितेचा उत्सव 

☆ ज्येष्ठ... ☆ श्री सुहास रघुनाथ पंडित ☆

☆

शुष्क धरेवर शुभ्र घनासह पाय रोवले ज्येष्ठाने

कपाशीपरी मेघ भासती, की पंख पसरले हंसाने

*

वसंत सरला, ग्रीष्म भडकला, आग पेटली चोहीकडे

गुलमोहर हा उतू चालला केशरमिश्रित पडती सडे

*

दिवस लांबले, पवन थांबला, पानोपानी रंग बदलले

सर हलकिशी यावी म्हणूनी आसुसले हे डोळे

*

कुटुंबलत्सल कुठे पक्षिणी घरट्यातून विसावे

मातीमधुनी क्वचित कोठे मृगकीटक खुणावे

*

ज्येष्ठ तपस्वी ‌ऋषी मुनींसम या धवल मेघमाला

श्यामवर्ण मेघांचा होईल सुखवी जो बळीराजाला

*

 सुहास रघुनाथ पंडित. सांगली.

 ९४२१२२५४९१

☆

© श्री सुहास रघुनाथ पंडित 

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈