वाचताना वेचलेले
☆ मैत्रीचं झाड – कवी : अज्ञात ☆ प्रस्तुती – सौ. दीप्ती गौतम ☆
☆
मिळतील का हो कुठे
मैत्रीच्या बिया
एक झाड लावावं म्हणतो
अंगणात माझ्या
*
असेल जे सतत
डोळ्यांसमोर माझ्या
सांगेन मग त्यालाच
सुख दु:खाच्या कथा
*
काळजी घेईन त्याची छान
निगुतीनी वाढवेन त्याला
खत-पाणी घालून घालून
जीवही लावेन त्याला
*
रोज फुटेल नवी पालवी
त्याच्या माझ्या नात्याला
फळा-फुलांचे येतील बहर
ऋतूमध्ये मैत्रीच्या
*
तसे असतातच की मित्र खूप
समाजामध्ये आपल्याला
कधी क्वचित येतो पण
मैत्रीमध्ये दुरावा
*
जाईन जेव्हा जवळ त्याच्या
धरेन अलगद फांदीला
तेही देईल आधार तेव्हा
माझ्या उतरत्या खांद्याला
*
बघा कधी तुमच्याही
मैत्रीत आला रुसवा
मैत्रीचं एक झाड
अंगणात तुम्ही रुजवा
*
म्हणूनच विचारतो
कुठे मिळतील
या मैत्रीचा बिया
सगळेच लावू एकेक झाड
अंगणात आपल्या आपल्या
*
बाजार नको मैत्रीचा
मित्र असावा खात्रीचा
☆
कवी:अज्ञात
प्रस्तुती : सौ. दीप्ती गौतम
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
अक्षर अक्षयसे धन – चित्र एक.. काव्ये दोन 
सोनफूल हे ओंजळीत मम (सोनटक्का) 
