श्री प्रमोद वामन वर्तक
चित्रकाव्य
गजरा! श्री प्रमोद वामन वर्तक ☆
☆
काळ सारा उमेदीचा
कष्ट करण्यात सरला,
हवा होता जेंव्हा तुला
गजरा नाही माळला!
*
हौस मौज सारे काही
मी बासनात बांधले,
करून संसार टुकीने
कुटुंबाचे हित साधले!
*
कधी न करता कुरकुर
दिलीस आनंदाने साथ,
आज माळतांना गजरा
थरथरतो माझा हात!
*
नसतीस तू साथीला
होता खडतर प्रवास,
साथ मिळो सातजन्मी
ही प्रार्थना परमेश्वरास!
ही प्रार्थना परमेश्वरास!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
ही जिवतीची पणती… 
