श्री अशोक श्रीपाद भांबुरे
अशोक भांबुरे जी यांची कविता अभिव्यक्ती # ३१८
☆ शब्द कळ्यांचा गजरा… ☆ श्री अशोक श्रीपाद भांबुरे ☆
☆
शब्द कळ्यांचा गजरा, ठेवलाय कागदात
कागदातील सुगंध, डोळ्यातुन मस्तकात
*
मेघ भरुनिया आले, गगनाच्या अंगणात
प्रीत येणार धावत, चल खेळू पावसात
*
पूर नदीस छेडतो, आणि वादळात नाव
अडकले मीही आज, प्रीतभऱ्या भोवऱ्यात
*
चंद्र दिसणार आहे, प्रश्न सुटणार आहे
चार दिसाची आवस, चंद्र पुन्हा हा भरात
*
भिती दावते रजनी, नको घाबरुन जाऊ
तुळशीचे रोप तिथे, ज्योत लाव अंगणात
*
पाने पिवळी पडली, शिशिरात होती जरी
त्यांचा नम्रपणा बघ, पायाशीच रमतात
*
आहे तरणा निसर्ग, जगामध्ये युगे युगे
चिरंजीवी वरदान, नसे मरणाची बात
☆
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
जरासं ‘ऑफलाईन’… 
