सुश्री प्रणिता प्रशांत खंडकर
कवितेचा उत्सव
☆ श्रावण आला… ☆ सुश्री प्रणिता खंडकर ☆
☆
अवखळ, अल्लड, पाऊस धारा,
प्रसन्नतेचा करती शिडकावा,
बटा मनोहर जलबिंदूंच्या,
खुळ्या, न आवरती, सावरता!
*
पदन्यास सृष्टीचा रंगला,
पागोळ्यांनी धरिला ठेका,
लय-तालाच्या समेवरी या,
इंद्रधनुची आगळी शोभा!
*
व्रतवैकल्ये, सणवारांचा,
श्रावण, सात्विक, दरवळणारा,
ऋतुगंधाने बावरलेला,
वेड लावितो तना-मनाला!
*
चैतन्याचा फुले पिसारा,
नैराश्याला मुळी न थारा,
आबालवृद्धां, हवाहवासा,
श्रावण आला, श्रावण आला!
☆
© सुश्री प्रणिता खंडकर
संपर्क – सध्या वास्तव्य… डोंबिवली, जि. ठाणे.
ईमेल pranitakhandkar@gmail.com केवळ वाॅटसप संपर्क.. 98334 79845.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
इंद्रधनुष्य 
कोरांटी मनात बसली…
काव्यानंद 
