श्री प्रमोद वामन वर्तक
चित्रकाव्य
लावा एक पणती!
श्री प्रमोद वामन वर्तक ☆
☆
राख झाली क्षणात लाखोंची
नाही फिकीर पर्यावरणाची,
वृद्ध, आजारी असतील कोणी
का काळजी करा कोणाची?
*
मोल नसलं हौसेला तरी
थोडंतरी समाजभान ठेवा,
ज्या घरी नाही लागत पणती
त्यांची तरी आठवण ठेवा!
*
साध्या कंदील रोषणाईने
होते बघा दिवाळी साजरी,
मदत करून गोर गरिबांना
हास्य आणा त्यां मुखांवरी!
*
गडबडीत या दीपोत्सवाच्या
लावा पणती त्यांच्यासाठी,
नका विसरू शूर सैनिकांना
जे रक्षितात सीमा देशासाठी!
जे रक्षितात सीमा देशासाठी!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈







